“Hapni zemrat o njerëz,
fillimi i asaj që e quajmë fund po vjen,
aq larg mendohet po fatkeqësish afër përjetohet,
e i ziu njeri që atyre u nënshtrohet!”
Gjinitë e njëjta nga egoizmi do kërkojnë të bashkohen,
fëmijët me kafshë do zëvendësohen ,
meshkujt të zhduken do fillojnë ,
femrat do të jenë në kërkim të pak meshkujve që do të rrojnë.
Egoizmi do zë vendin e dashurisë,
skllavëria do zë vendin e lirisë,
kënaqësia do zë vendin e lumturisë,
mosbesimi do ta zë vendin e besueshmërisë.
Shekullarizimi do zë vendin e t’shenjtes,
relativja do zë vendin e absolutes,
subjektivja do zë vendin e objektives,
ndjenja do zë vendin e të arsyshmës.
Estetika do zë vendin e etikës,
merita do zë vendin e ditunis,
e ardhmja do zë vendin e t’përditshmës,
historitë do zë vendin e Historisë.
Njëllojshmëria do zë vendin e bukurisë,
individualizmi do zë vendin e bashkësisë,
idealizmi do zë vendin e realizmit;
neglizhenca do zë vendin e përkushtimit.
Tolerimi do zë vendin e harmonisë
sipërfaqësorja do zë vendin e thellësisë,
aksesorja do zë vendin e nevojshmërisë,
Narcizmi do zërë vendin e prometeizmërisë.